దుర్గాప్రసాద్, బద్రి, రంజిత్, సుధీర్ లను వరంగల్ జైల్లో వేధిస్తున్నారు.. వీవీ.

వరంగల్ ;
జర్నలిస్టు, తెలంగాణ డెమాక్రటిక్ ఫోరమ్ సభ్యుడు దుర్గాప్రసాద్, విద్యార్థి నాయకులు బద్రి, రంజిత్, సుధీర్ లను వరంగల్ సెంట్రల్ జైలులో సింగిల్ సెల్ లో బంధించడంపట్ల విప్లవ రచయిత వరవరరావు మండిపడ్డారు. వరంగల్ లో మీడియా సమావేశంలో మాట్లాడిన ఆయన తెలంగాణ‌ జైళ్ళలో జైలు అధికార్లు మాన్యువల్ కు వ్యతిరేకంగా వ్యవహరిస్తున్నారని ఆరోపించారు. అనేక పోరాటాల ఫలితంగా ఖైదీలు సాధించుకున్న హక్కులను జైలు అధికారులు కాలరాస్తున్నారని, కేసీఆర్ ప్రభుత్వం అత్యంత నియంతలాగా వ్యవహరిస్తోందని వీవీ అన్నారు. ఎన్టీఆర్ సర్కారు పాలనలో ఖైదీలకు, ప్రభుత్వానికి మధ్య జరిగిన అగ్రిమెంట్ ను కేసీఆర్ ప్రభుత్వం కాలరాసిందని విమర్శించారు. దుర్గాప్రసాద్, బద్రి, రంజిత్, సుధీర్ లను తక్షణం అందరితో పాటు ఒకే బ్యారక్ లో వుంచాలని వరవరరావు డిమాండ్ చేశారు.